ചേര്‍ത്തല: സ്‌കൂള്‍ വിദ്യാര്‍ത്ഥികള്‍ക്കായി കൊണ്ടുവന്ന പുകയില ഉല്‍പന്നങ്ങള്‍ പിടികൂടി. വയലാര്‍ കാവില്‍ സെന്റ് മൈക്കിള്‍സ് ഹൈസ്‌കൂളിന് സമീപമുള്ള വീട്ടില്‍ സൂക്ഷിച്ചിരുന്ന പുകയില ഉല്‍പന്നങ്ങളാണ് പിടികൂടിയത്. സംഭവുമായി ബന്ധപ്പെട്ട് ഒരാളെ കസ്റ്റഡിയിലെടുത്തു.
കാവില്‍ കളത്തിത്തറ വീട്ടില്‍ മാത്യുവിനെയാണ് എക്‌സൈസ് സര്‍ക്കിള്‍ ഇന്‍സ്‌പെക്ടറും സംഘവും പിടികൂടിയത്. 560 പാക്കറ്റ് സിഗരറ്റ്, 242 പാക്കറ്റ് ഹാന്‍സ്, 605 പാക്കറ്റ് ബീഡി, പുകയില അഞ്ച് കിലോഗ്രാം എന്നിവയാണ് പിടിച്ചെടുത്തത്. 60000 രൂപ വിലയുള്ള ഉല്‍പന്നങ്ങളുമായാണ് ചേര്‍ത്തല എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.പി ജെയിംസിന്റെ നേതൃത്വത്തില്‍ മാത്യുവിനെ കസ്റ്റഡിയിലെടുത്തത്.