കണ്ണൂര്‍: ശാസ്ത്രമുന്നേറ്റത്തിന്റെയും രാഷ്ട്രപുരോഗതിയുടെയും അടിത്തറ വിദ്യാഭ്യാസമാണെങ്കിലും അങ്ങേയറ്റം അശ്രദ്ധമായാണ് രാജ്യത്ത് വിദ്യാഭ്യാസനയരൂപീകരണം നടക്കുന്നതെന്ന് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സിന്റെ മുന്‍ ഡയറക്ടറും കറന്റ് സയന്‍സ് മാസികയുടെ എഡിറ്ററുമായ ഡോ.പി ബല്‍റാം പറഞ്ഞു.
ശാസ്ത്രസാഹിത്യ പരിഷത്ത് 54ാം വാര്‍ഷികസമ്മേളനം കണ്ണൂര്‍ സെന്റ് മൈക്കിള്‍സ് സ്‌കൂളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇന്ത്യയിലെ ശാസ്ത്രഗവേഷണസ്ഥാപനങ്ങള്‍ ഇന്ന് തകര്‍ച്ചയിലേക്ക് നീങ്ങുകയാണ്.
അധികാര രാഷ്ട്രീയത്തിന്റെ കൈകടത്തലും അവഗണനയുമാണ് ഈ ദുര്‍ഗതിക്ക് കാരണമെന്നും അദ്ദേഹം പറഞ്ഞു. ഡോ.കെ.പി അരവിന്ദന്‍ അധ്യക്ഷനായി.