കുറ്റ്യാടി: സുഹൃത്തുക്കള്‍ക്കൊപ്പം പുഴയില്‍ കുളിക്കാനിറങ്ങിയ ബിരുദ വിദ്യാര്‍ഥി മുങ്ങിമരിച്ചു. വേളം ശാന്തിനഗറിലെ കേളംകണ്ടി പൈക്കാട്ട് കുഞ്ഞമ്മദിന്റെ മകന്‍ റാഷിദാണ് (19) മരിച്ചത്. ഇന്നലെ വൈകിട്ട് നാല് സുഹൃത്തുക്കള്‍ക്കൊപ്പം ചവറംമുഴി മീന്‍തുള്ളിപ്പാറ പുഴയില്‍ കുളിക്കുന്നതിനിടെയാണ് അപകടം. പുഴയില്‍ മുങ്ങിപ്പോയ റാഷിദിനെ സുഹൃത്തുക്കളും നാട്ടുകാരും ചേര്‍ന്ന് ഉടന്‍ തന്നെ കുറ്റ്യാടി ഗവ:താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

മലപ്പുറം ശാന്തപുരം ഇസ്‌ലാമിയ കോളജ് രണ്ടാം വര്‍ഷ ബി.എ അറബിക് വിദ്യാര്‍ഥിയാണ്. ഖബറടക്കം ഇന്ന് ശാന്തിനഗര്‍ എളവനച്ചാല്‍ ജുമാ മസ്ജിദില്‍ നടക്കും. പിതാവ് കുഞ്ഞമ്മദ് ഒമാന്‍ സലാലയിലാണ്. ഇന്ന് നാട്ടിലെത്തും. നസീമയാണ് മാതാവ്. സഹോദരങ്ങള്‍: നദാ ഫാത്തിമ, നഹാ ഫാത്തിമ.