മട്ടന്നൂര്‍: ചാലോട് ടൗണില്‍ വച്ച് വാഹന പരിശോധനക്കിടെ ബൈക്കില്‍ കടത്തുകയായിരുന്ന 34 കുപ്പി വിദേശമദ്യവുമായി യുവാവിനെ മട്ടന്നൂര്‍ എക്‌സൈസ് സംഘം പിടികൂടി.
ചാവശേരിയിലെ സുധീറിനെയാ (37)ണ് 17 ലിറ്റര്‍ മദ്യവുമായി പിടികൂടിയത്. രഹസ്യവിവരത്തെതുടര്‍ന്ന് കഴിഞ്ഞദിവസം രാത്രി 10 ഓടെ എക്‌സൈസ് ഇന്‍സ്‌പെക്ടര്‍ സി.കെ പവിത്രന്റെ നേതൃത്വത്തിലാണ് യുവാവ് പിടിയിലായത്.
ചക്കരക്കല്ലിലെ മദ്യഷോപ്പില്‍ നിന്നു വാങ്ങിയ മദ്യം വില്‍പനയ്ക്കായി ബൈക്കില്‍ കൊണ്ടു പോകുന്നതിനിടെയാണ് പിടികൂടിയതെന്ന് എക്‌സൈസ് ഉദ്യോഗസ്ഥര്‍ പറഞ്ഞു.
എക്‌സൈസിനെ കണ്ട് ബൈക്കിലുണ്ടായിരുന്ന വെളിയമ്പ്ര സ്വദേശി മഹേഷ് ഓടി രക്ഷപ്പെട്ടു. ഇയാള്‍ക്ക് വേണ്ടി അന്വേഷണം നടത്തി വരികയാണ്.
എക്‌സൈസ് പ്രിവന്റിവ് ഓഫിസര്‍ സി.പി ഷാജി, സിവില്‍ എക്‌സൈസ് ഓഫിസര്‍മാരായ ജോര്‍ജ് ഫെര്‍ണാണ്ടസ്, ഹാരീസ്, നെല്‍സണ്‍ ടി തോമസ് പരിശോധയില്‍ പങ്കെടുത്തു.