ഗൂഡല്ലൂര്‍: ട്രാക്ടര്‍ നിയന്ത്രണം വിട്ട് മറിഞ്ഞ് 32 തോട്ടംതൊഴിലാളികള്‍ക്ക് പരുക്കേറ്റു. കോത്തഗിരി കോടനാട് സ്വകാര്യ എസ്റ്റേറ്റ് തൊഴിലാളികളായ വള്ളിയമ്മാള്‍ (50) റീന (22) ജൂലി (22) സനോറ (45) റങ്കി (50) മസ്താന (30) ലക്ഷ്മി (50) ശാനിയാറ (55) മാല (35) മണി (60) കൃഷ്ണമ്മാള്‍ (54) തുളസി (22) കൊമ്പി (42) മുനിയമ്മാള്‍ (50) ജയലക്ഷ്മി (55) കമല (55) പുട്ടമ്മാള്‍ (46) സരസ്വതി (42) പഴനിയമ്മാള്‍ (53) ശിവമാരി (50) ജ്യോതി (30) റാണി (42) നീല (50) കാഞ്ചന (25) ട്രാക്ടര്‍ ഡ്രൈവര്‍ മഹാദേവന്‍ (30) തുടങ്ങിയവര്‍ക്കാണ് പരുക്കേറ്റത്. ഇതില്‍ ഗുരുതരമായി പരുക്കേറ്റ 18 പേരെ കോയമ്പത്തൂര്‍ മെഡിക്കല്‍ കോളജ് ആശുപത്രിയിലും ബാക്കിയുള്ളവരെ കോത്തഗിരി താലൂക്ക് ആശുപത്രിയിലും പ്രവേശിപ്പിച്ചു. വിവരമറിഞ്ഞ് കുന്നൂര്‍ എം എല്‍ എ ശാന്തിരാമു ആശുപത്രിയിലെത്തി പരുക്കേറ്റവരെ സന്ദര്‍ശിച്ചു. എസ്റ്റേറ്റില്‍ നിന്ന് ജോലി കഴിഞ്ഞ് തൊഴിലാളികളുമായി കോത്തഗിരിയിലേക്ക് വരുന്നതിനിടെയാണ് ട്രാക്ടര്‍ നിയന്ത്രണം വിട്ട് മറിഞ്ഞത്