ഡല്‍ഹി: രണ്ട് ചരക്കുവണ്ടികള്‍ പാളം തെറ്റി. ഒന്നു മധ്യപ്രദേശിലും മറ്റൊന്ന് ഉത്തര്‍പ്രദേശിലുമാണ് ചരക്ക് തീവണ്ടികള്‍ പാളം തെറ്റിയത്. മധ്യപ്രദേശിലെ ഭോപാലില്‍ നിന്ന് ഇറ്റാര്‍സിക്ക് പോവുകയായിരുന്ന ചരക്ക്‌വണ്ടിയുടെ മൂന്ന് ബോഗികളാണ് പാളം തെറ്റിയത്.

മിസറോഡ് സ്റ്റേഷനും മണ്ഡിദീപ് സ്റ്റേഷനുമിടയില്‍ വച്ചായിരുന്നു അപകടം സംഭവിച്ചത്. ഉത്തര്‍പ്രദേശിലെ സോന്‍ഭദ്രയിലാണ് മറ്റെ അപകടം നടന്നത്. ചുര്‍കില്‍ നിന്നും ചോപാനിലേക്ക് പോവുകയായിരുന്ന തീവണ്ടിയുടെ എഞ്ചിനും ഒരു ബോഗിയും അപകടത്തില്‍ പെട്ടു.

പാളത്തില്‍ മണ്ണടിഞ്ഞതിനെ തുടര്‍ന്നാണ് അപകടമുണ്ടായത്. രണ്ട് അപകടത്തിലും ആളപായം ഇല്ലെന്ന് റെയില്‍വേ പറയുന്നു. തീവണ്ടികള്‍ തിരിച്ച് പാളത്തില്‍ കയറ്റാനുള്ള നടപടികള്‍ തുടങ്ങിയിട്ടുണ്ടെന്നും റെയില്‍വേ അറിയിച്ചിട്ടുണ്ട്.

Two goods trains derailed in separate incidents in Madhya Pradesh and Uttar Pradesh. In Madhya Pradesh, three bogies derailed near Bhopal, while in Uttar Pradesh, an engine and a bogie derailed near Sonbhadra. Both incidents were caused by track subsidence, with no casualties reported. Railway authorities have commenced efforts to restore services.