തിരുവനന്തപുരം: പ്രഥമ ട്രാന്‍സ് ജെന്‍ഡര്‍ അത്‌ലറ്റിക്ക് മീറ്റില്‍ മലപ്പുറം ഓവറോള്‍ ചാംപ്യന്‍മാര്‍. 22 പോയിന്റ് നേടിയാണ് മലപ്പുറം ചാംപ്യന്‍മാരായത്.
14 പോയിന്റ് നേടി കണ്ണൂര്‍ രണ്ടാമതെത്തി. 100 മീറ്ററില്‍ മലപ്പുറത്തെ പ്രതിനിധീകരിച്ച രാകേഷ് (സ്വര്‍ണം), കണ്ണൂരിനായി ട്രാക്കിലിറങ്ങിയ കാഞ്ചി വെള്ളിയും മഞ്ചുള വെങ്കലവും നേടി. 200 മീറ്ററില്‍ അനസൂര്യ (കോട്ടയം) സ്വര്‍ണം നേടിയപ്പോള്‍ എറണാകുളത്തിന്റെ താരങ്ങളായ കാവ്യ,വെള്ളിയും ധന്യ, വെങ്കലവും നേടി.
400 മീറ്ററില്‍ കണ്ണൂരിന്റെ കമീലക്കാണ് സ്വര്‍ണം. കോഴിക്കോടിന്റെ അഞ്ജുക്ഷേയ വെള്ളിയും എറണാകുളത്തിന്റെ തന്‍വി വെങ്കലവും പങ്കിട്ടു. 4-100 റിലേയില്‍ മലപ്പുറത്തിനാണ് സ്വര്‍ണം. തിരുവനന്തപുരവും കൊല്ലവും വെള്ളിയും വെങ്കലവും നേടി.
ലോങ് ജംപില്‍ അഞ്ജുക്ഷേയ (കോഴിക്കോട്) സ്വര്‍ണം നേടി. രാകേഷ് (മലപ്പുറം) വെള്ളിയും കൊല്ലത്തിന്റെ നിയ വെങ്കലവും സ്വന്തമാക്കി. ഷോട്ട്പുട്ടില്‍ കണ്ണൂരിന്റെ കാഞ്ചി സ്വര്‍ണവും മലപ്പുറത്തെ താരങ്ങളായ ഷെറിന്‍ വെള്ളിയും ചെമ്പകം വെങ്കലവും എറിഞ്ഞിട്ടു.