കോഴിക്കോട്: വോട്ടവകാശം വിനിയോഗിക്കേണ്ടതിന്റെ പ്രാധാന്യം വിളംബരം ചെയ്ത് വോട്ടര്‍മാരെ പോളിങ് ബൂത്തിലെത്തിക്കാന്‍ ഓട്ടം തുള്ളല്‍ അവതരണവുമായി ജില്ലാ ഭരണകൂടം. സ്വീപിന്റെ നേതൃത്വത്തിലാണ് നഗരത്തില്‍ വിവിധയിടങ്ങളില്‍ ഓട്ടന്‍ തുള്ളല്‍ സംഘടിപ്പിച്ചത്. ബാലുശ്ശേരി സ്വദേശി മഞ്ഞപ്പാലം തറോല്‍ സുരേഷ്ബാബുവാണ് ഓട്ടന്‍തുള്ളല്‍ അവതരിപ്പിച്ചത്.
നാടിന്റെ ഭാവി നിര്‍ണയിക്കുന്ന തെരഞ്ഞെടുപ്പില്‍ വോട്ട് രേഖപ്പെടുത്തേണ്ടത് എത്രത്തോളം പ്രാധാന്യമര്‍ഹിക്കുന്നതാണെന്നും തെരഞ്ഞെടുപ്പ് തിയതിയും ഓര്‍മ്മിപ്പിച്ചാണ് ഓട്ടം തുള്ളല്‍ ആരംഭിക്കുന്നത്.കലാവതരണം പുരോഗമിക്കുന്നത്. ജനാധിപത്യം സംരക്ഷിക്കാന്‍ നമുക്ക് പോളിങ് ബൂത്തിലേക്ക് പോകാമെന്ന ആഹ്വാനത്തോടെ 10 മിനുട്ടുള്ള ഓട്ടം തുള്ളല്‍ അവസാനിക്കുന്നു.
കലക്ടറേറ്റിലെ സീനിയര്‍ ക്ലര്‍ക്ക് സി സ്മിത, രാധാകൃഷ്ണന്‍ ബാലുശേരി, രാമന്‍കുട്ടി മാസ്റ്റര്‍ എന്നിവര്‍ ചേര്‍ന്നാണ് ഓട്ടം തുള്ളല്‍ തയ്യാറാക്കിയത്. കിഡ്‌സണ്‍ കോര്‍ണര്‍, ബീച്ച്, പുതിയ ബസ്റ്റാന്റ് തുടങ്ങിയ കേന്ദ്രങ്ങളിലാണ് കലാവതരണം നടന്നത്.