തിരുവനന്തപുരം: എസ്.എസ് റാം , എസ് ഹരിശങ്കര്‍ മെമ്മോറിയല്‍ ഓള്‍ ഇന്ത്യ ന്യൂസ് ഫോട്ടോഗ്രഫി സ്‌പെഷല്‍ ജൂറി പുരസ്‌കാരം സുപ്രഭാതം കോഴിക്കോട് ബ്യൂറോ ഫോട്ടോഗ്രാഫര്‍ നിധീഷ് കൃഷ്ണന്‍ ഏറ്റുവാങ്ങി.

തിരുവനന്തപുരം പ്രസ്‌ക്ലബ് ഇന്‍സ്റ്റിറ്റ്യൂട്ടിന്റെ സുവര്‍ണജൂബിലിയോടനുബന്ധിച്ച് നടത്തിയ കനകോത്സവത്തിന്റെ ഭാഗമായാണ് അവാര്‍ഡ്. സൂര്യകാന്തിയില്‍ വച്ച് നടന്ന കനകോത്സവത്തിന്റെ സമാപനസമ്മേളനത്തില്‍ നടന്‍ ജയറാമാണ് നിധീഷിന് പുരസ്‌കാരം സമ്മാനിച്ചത്. റിജോ ജോസഫ് (മലയാള മനോരമ, കോട്ടയം), പി. കൃഷ്ണപ്രദീപ് (മാതൃഭൂമി, കോഴിക്കോട്), ശിവജി കുമാര്‍ ടി. (സിറാജ്, തിരുവനന്തപുരം), പി. ജയേഷ് (മാതൃഭൂമി, വയനാട്), ദിലീപ് പുരയ്ക്കല്‍ (മാധ്യമം, കോട്ടയം) എന്നിവരും പുരസ്‌കാരങ്ങള്‍ ഏറ്റുവാങ്ങി.