കല്‍പ്പറ്റ: നഗരസഭ സി.ഡി.എസ് കുടുംബശ്രീ വാര്‍ഷികത്തോടനുബന്ധിച്ച് വനിതാ കായികമേള സംഘടിപ്പിച്ചു.  നഗരസഭയുടെ കീഴിലുള്ള 28 എ.ഡി.എസുകളില്‍ നിന്നുള്ള കുടുംബശ്രീ വനിതാ കായികതാരങ്ങളാണ് മേളയില്‍ പങ്കെടുത്തത്.  അമ്പിലേരി മുന്‍സിപ്പല്‍ ഗ്രൗണ്ടില്‍ നടന്ന കായിക മത്സരത്തിന്റെ ഉദ്ഘാടനം നഗരസഭാ ചെയര്‍പേഴ്‌സണ്‍ ഉമൈബ മൊയ്തീന്‍കുട്ടി നിര്‍വഹിച്ചു. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എ.പി ഹമീദ് അധ്യക്ഷനായി. വൈസ് ചെയര്‍മാന്‍ പി.പി ആലി മുഖ്യപ്രഭാഷണം നടത്തി. ബിന്ദുജോസ്, അജിത കെ, സഫിയ അസീസ്, മുനീര്‍ (എന്‍.യു.എല്‍.എം) റഷീദ് വി.എം, കെ.കെ കുഞ്ഞമ്മദ്, സി.ഡി.എസ് അംഗം സെക്രട്ടറി ഷാരിഷ് പി.ജി സംസാരിച്ചു. മുനിസിപ്പല്‍ ഹെല്‍ത്ത് ഇന്‍സ്‌പെക്ടര്‍ വി ബദറുദ്ദീന്‍ സ്വാഗതവും വനിത നന്ദിയും പറഞ്ഞു.
.