തൃക്കരിപ്പൂര്‍: എസ്.വൈ.എസ് സംസ്ഥാന കമ്മിറ്റി സംഘടിപ്പിച്ച സംഘടനാ അദാലത്തില്‍ രജിസ്റ്റര്‍ ചെയ്ത പഞ്ചായത്ത്, യൂനിറ്റ് പ്രസിഡന്റ്, ജനറല്‍ സെക്രട്ടറി, ട്രഷറര്‍ എന്നീ ഭാരവാഹികളെ ഉള്‍പ്പെടുത്തി തൃക്കരിപ്പൂര്‍ മണ്ഡലം നേതൃസംഗമം ജൂലൈ അവസാന വാരം സംഘടിപ്പിക്കാന്‍ പ്രവര്‍ത്തക സമിതി യോഗം തീരുമാനിച്ചു. സംസ്ഥാന വിഹിതം നല്‍കുന്നതില്‍ മുന്നില്‍ നിന്ന തൃക്കരിപ്പൂര്‍ പഞ്ചായത്ത് കമ്മറ്റി, അദാലത്തില്‍ എ പ്ലസ് നേടിയ ചെറുവത്തൂര്‍ പഞ്ചായത്ത് കമ്മിറ്റി, എസ്.എസ്.എല്‍.സി, മദ്‌റസ പൊതുപരീക്ഷ എന്നിവയില്‍ ഉന്നത വിജയികള്‍ എന്നിവരെ നേതൃസംഗമത്തില്‍ അനുമോദിക്കും. പടന്ന റഹ്മാനിയ മദ്‌റസയില്‍ ചേര്‍ന്ന പ്രവര്‍ത്തക സമിതി യോഗത്തില്‍ കെ.എം.സി ഇബ്‌റാഹിം അധ്യക്ഷനായി. പി. മുഹമ്മദ് കുഞ്ഞി, പി.വി അഹമ്മദ് ശരീഫ് ഹാജി, ടി.സി കുഞ്ഞബ്ദുല്ല ഹാജി, കെ.പി ജമാല്‍, സമിര്‍ ഹൈത്തമി, മുഹമ്മദ് ശരീഫ് ദാരിമി, വി.കെ ഇബ്‌റാഹിം, സി. മുഹമ്മദ്, ടി.വി ഹൈദര്‍, എം.ടി.പി സത്താര്‍ മൗലവി, അഹമ്മദ് മൗലവി, റഫീഖ് മാസ്റ്റര്‍ ചെബ്രകാനം സംസാരിച്ചു