പത്തനംതിട്ട: പമ്പ അണക്കെട്ടില്‍ ജലനിരപ്പ് കുറഞ്ഞെന്ന് പത്തനംതിട്ട കലക്ടര്‍. ഇതേതുടര്‍ന്ന് കഴിഞ്ഞ ദിവസം തുറന്ന ഷട്ടറുകള്‍ അടച്ചതായി കലക്ടര്‍ പി.ബി നൂഹ് അറിയിച്ചു. ആറ് ഷട്ടറുകളാണ് തുറന്നിരുന്നത്.
982.80 ആണ് ഇപ്പോഴത്തെ ജലനിരപ്പ്. അതേസമയം പത്തനംതിട്ടയില്‍ മഴ ശക്തമായി തുടരുകയാണ്. ആശങ്കപ്പെടേണ്ട സാഹചര്യമൊന്നുമില്ലെന്നും എല്ലാ മുന്‍കരുതലും എടുത്തിട്ടുണ്ടെന്നും കലക്ടര്‍ അറിയിച്ചു.

കേരളത്തില്‍ ഇന്നും അതിതീവ്ര മഴക്കു സാധ്യതയുണ്ടെന്നാണ് കാലാവസ്ഥ നിരീക്ഷകര്‍ അറിയിച്ചിട്ടുള്ളത്. നാല് ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്.