കൊച്ചി: ഈ വര്‍ഷത്തെ സുകുമാര്‍ അഴീക്കോട് തത്ത്വമസി പുരസ്‌കാരത്തിന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ അര്‍ഹനായി.തത്ത്വമസി ബെത്‌സദ സാഹിത്യ പുരസ്‌കാരത്തിന് ഗാനരചയിതാവ് ബിച്ചു തിരുമല അര്‍ഹനായി. സാഹിത്യ പുരസ്‌കാരങ്ങള്‍ക്ക് സി.പി കൃഷ്ണകുമാര്‍, ശ്രീജവാര്യര്‍, വക്കം സുകുമാരന്‍, ഡോ.ദീപ സ്വരണ്‍, ഡോ.മുഞ്ഞിനാട് പത്മകുമാര്‍ എന്നിവരും അര്‍ഹരായി. 25001 രൂപയും ഫലകവുമടങ്ങുന്ന പുരസ്‌കാരങ്ങള്‍ ഡോ.സുകുമാര്‍ അഴീക്കോടിന്റെ 91ാമത് ജന്മദിനാഘോഷങ്ങളുടെ ഭാഗമായി മെയ് 13ന് തിരുവനന്തപുരം തീര്‍ഥപാദമണ്ഡപത്തില്‍ വി.എസ് അച്യുതാനന്ദന്‍ സമ്മാനിക്കും.