തിരുവനന്തപുരം: കേരളത്തില്‍ സി.ബി.എസ്.ഇ സിലബസില്‍ പ്രവര്‍ത്തിക്കുന്ന എല്ലാ സ്‌കൂളുകളിലെയും പ്രവൃത്തിദിനങ്ങളും അവധി ദിനങ്ങളും സംസ്ഥാന സര്‍ക്കാര്‍ സിലബസുള്ള സ്‌കൂളുകളിലെയും കേന്ദ്രീകൃത വിദ്യാലയങ്ങളിലെയും പോലെ ആയിരിക്കുമെന്ന് സി.ബി.എസ്.ഇ റീജിനല്‍ ഓഫിസ്. സംസ്ഥാന ബാലാവകാശ കമ്മിഷനു നല്‍കിയ റിപ്പോര്‍ട്ടിലാണ് ഇക്കാര്യം വ്യക്തമാക്കിയത്.
മലപ്പുറം ജില്ലയിലെ ഒരു സി.ബി.എസ്.ഇ സ്‌കൂളില്‍ ക്രിസ്മസ് അവധി രണ്ടു ദിവസം മാത്രമാണ് നല്‍കിയതെന്നു കാണിച്ച് ബാലാവകാശ കമ്മിഷന് വിദ്യാര്‍ഥിയുടെ രക്ഷിതാവ് പരാതി നല്‍കിയിരുന്നു. ഇതില്‍ സി.ബി.എസ്.ഇ അടക്കം ബന്ധപ്പെട്ടവര്‍ക്ക് കമ്മിഷന്‍ നോട്ടിസ് അയച്ചിരുന്നു.
ഇതിനുള്ള മറുപടി റിപ്പോര്‍ട്ടിലാണ് സി.ബി.എസ്.ഇ ഇക്കാര്യത്തില്‍ വ്യക്തത നല്‍കിയത്.