മുംബൈ: ഋഷഭ് പന്തും അമ്പാട്ടി റായുഡുവും ലോകകപ്പ് ടീമിലുള്‍പ്പെടാത്തതിന് വിശദീകരണവുമായി രവിശാസ്ത്രി. ഇന്ത്യന്‍ ടീം പ്രഖ്യാപിച്ചപ്പോള്‍ യുവ വിക്കറ്റ് കീപ്പര്‍ റിഷഭ് പന്തും മധ്യനിര ബാറ്റ്‌സ്മാന്‍ അമ്പാട്ടി റായുഡുവും തഴയപ്പെട്ടതായിരുന്നു ലോകകപ്പ് ടീമിലെ പ്രധാന സര്‍പ്രൈസ്. പന്തിനു പകരം ദിനേഷ് കാര്‍ത്തികും റായുഡുവിനു പകരം വിജയ് ശങ്കറുമാണ് ടീമിലെത്തിയത്. മികച്ച ഫോമിലുള്ള പന്തിനെയും മത്സരപരിചയവും മികച്ച റെക്കോര്‍ഡുമുള്ള റായുഡുവിനെയും ഒഴിവാക്കിയത് വലിയ ചര്‍ച്ചയാവുകയും സെലക്ടര്‍മാര്‍ക്കെതിരേ വിമര്‍ശനമുയരാന്‍ കാരണമാവുകയും ചെയ്തു.

പന്തും റായുഡുവുമടക്കം ലോകകപ്പ് ടീമില്‍ ഇടം ലഭിക്കാതിരുന്ന താരങ്ങള്‍ നിരാശരാവരുതെന്നാണ് ഇന്ത്യന്‍ കോച്ച് രവിശാസ്ത്രി പറഞ്ഞത്. ലോകകപ്പിനുള്ള 15 അംഗ ടീമില്‍ ഇടം പിടിക്കാനായില്ലെന്നു കരുതി താരങ്ങള്‍ നിരാശരാവരുത്, ഏതു നിമിഷവും അവര്‍ക്ക് ലോകകപ്പ് സംഘത്തിനൊപ്പം ചേരാനുള്ള അവസരം ലഭിച്ചേക്കാം. ലോകകപ്പ് ടീമില്‍ ഇടം ലഭിക്കാതിരുന്നത് ഒരു തമാശയായി മാത്രം കണ്ട@ാല്‍ മതി. ലോകകപ്പിനിടെ ചില കളിക്കാര്‍ക്കു പരുക്കേല്‍ക്കാനിടയു@ണ്ട്. അതിനാല്‍ ആരെയാണ്, എപ്പോഴാണ് പകരക്കാരനായി ടീമിലേക്കു വിളിക്കുകയെന്ന് പറയാനാവില്ലെന്നും ശാസ്ത്രി കൂട്ടിച്ചേര്‍ത്തു.
ലോകകപ്പ് ടീം സെലക്ഷനില്‍ താന്‍ ഇടപെട്ടിട്ടില്ലെന്നു ശാസ്ത്രി വ്യക്തമാക്കി. 15 അംഗ ടീമിനെ തിരഞ്ഞെടുക്കുമ്പോള്‍ തീര്‍ച്ചയായും ചില പ്രധാനപ്പെട്ട താരങ്ങള്‍ക്കു പുറത്തിരിക്കേണ്ട@ിവരും. ഇതു നിര്‍ഭാഗ്യം തന്നെയാണെന്നും ശാസ്ത്രി ചൂണ്ട@ിക്കാട്ടി. 16 അംഗ ടീമിനെ തിരഞ്ഞെടുക്കണമെന്ന അഭിപ്രായമാണ് തനിക്കുള്ളത്. ബി.സി.സി.ഐ ഇക്കാര്യം ഐ.സി.സിയെ അറിയിക്കുകയും ചെയ്തു. ലോകകപ്പ് ദൈര്‍ഘ്യമേറിയ ടൂര്‍ണമെന്റായതിനാല്‍ തന്നെ 16 പേരെങ്കിലും ടീമില്‍ ആവശ്യമാണെന്നും ശാസ്ത്രി പറഞ്ഞു.