കയ്പമംഗലം: ചെന്ത്രാപ്പിന്നി കണ്ണംപുള്ളിപ്പുറം ശ്രീ കുമാരമംഗലം സമുദായ ക്ഷേത്രവളപ്പില്‍ തീപിടുത്തം. പതിനഞ്ച് ലക്ഷം രൂപയുടെ മര ഉരുപ്പടികള്‍ കത്തി നശിച്ചു.
ഇന്നലെ ഉച്ചക്ക് രണ്ടരയോടെയാണ് തീപിടുത്തമുണ്ടായത്. തീ ആളിക്കത്തുന്നത് കണ്ട് നാട്ടുകാര്‍ ഓടികൂടി സമീപത്തെ വീട്ടില്‍ നിന്ന് വെള്ളം പമ്പ് ചെയ്ത് തീയണക്കുകയായിരുന്നു. പണിപ്പുരയും മര ഉരുപ്പടികളും പൂര്‍ണമായും കത്തിനശിച്ചു.
ക്ഷേത്രത്തിന്റെ പുനരുദ്ധാരണത്തോടനുബന്ധിച്ച് ശ്രീകോവില്‍ പണിയാന്‍ സൂക്ഷിച്ചിരുന്ന ഉത്തരവും കഴുക്കോലുകളുമാണ് കത്തി നശിച്ചത്. തീപിടുത്തത്തിന്റെ കാരണം വ്യക്തമായിട്ടില്ല. ഇരിങ്ങാലക്കുടയില്‍ നിന്ന് അഗ്‌നിശമനസേനയും മതിലകം പൊലിസും സ്ഥലത്തെത്തിയിരുന്നു.