കൊച്ചി: യുവ താരം സഹല്‍ അബ്ദുല്‍ സമദ് കേരള ബ്ലാസ്റ്റേഴ്‌സില്‍ തുടരും. 2025 വരെയാണ് ക്ലബുമായി സഹല്‍ കരാറിലേര്‍പ്പെട്ടിട്ടുള്ളത്.
നേരത്തെ കേരളാ ബ്ലാസ്റ്റേഴ്‌സില്‍ താരത്തിന് മൂന്ന് വര്‍ഷത്തെ കരാറായിരുന്നു നല്‍കിയത്. എന്നാല്‍ താരം കൈവിട്ട് പോകാതിരിക്കാന്‍ വേ@ണ്ടിയാണ് കരാര്‍ വീണ്ട@ും നീട്ടി 2025 വരെ ആക്കിയത്.

തുടര്‍ന്നുള്ള വര്‍ഷങ്ങളില്‍ ക്ലബിനും എനിക്കും വേണ്ടി കൂടുതല്‍ നേട്ടങ്ങള്‍ കൈവരിക്കാന്‍ സാധിക്കുമെന്ന് ഞാന്‍ പ്രതീക്ഷിക്കുന്നു. ഇതാണ് എന്റെ നാട്, എന്റെ ആളുകള്‍, എന്റെ വീട്, ഞാന്‍ ഇവിടെതന്നെ തുടരും, സഹല്‍ പറഞ്ഞു.
ഐ.എസ്.എല്‍ കരിയറിന്റെ തുടക്കത്തില്‍ തന്നെ ഐ.എസ്.എല്‍ എമര്‍ജിംഗ് പ്ലെയര്‍ ഓഫ് ദി സീസണ്‍, എ.ഐ.എഫ്.എഫ് എമര്‍ജിങ് പ്ലെയര്‍ ഓഫ് ദ ഇയര്‍ എന്നീ പുരസ്‌കാരങ്ങള്‍ നേടി സഹല്‍ ആരാധക ശ്രദ്ധ പിടിച്ചുപറ്റിയിരുന്നു.