കാട്ടൂര്‍: ബിബിന്‍ കൊലക്കേസില്‍ ഒളിവിലായിരുന്ന പ്രതിയെ പൊലിസ് അറസ്റ്റു ചെയ്തു.
കുറ്റിക്കാട്ട് വീട്ടില്‍ ജിത്തു എന്ന ഷിബിന്‍ (36) ആണ് പിടിയിലായത്.
ഫെബ്രുവരി 16ന് എടക്കുളത്തു വച്ചു നടന്ന സംഘട്ടനത്തില്‍ പൊറുത്തിശ്ശേരി സ്വദേശി ബിബിന്‍ (31) എന്നയാളെ കൊലപ്പെടുത്തിയ കേസില്‍ അഞ്ചാം പ്രതിയാണ് ഷിബിന്‍.
ഇരിങ്ങാലക്കുട ഡിവൈ.എസ്.പി വേണുവിന്റെ നേതൃത്വത്തില്‍ കാട്ടൂര്‍ ഇന്‍സ്‌പെക്ടര്‍ ആര്‍. ശിവകുമാര്‍, എസ്.ഐമാരായ രാജേഷ്, ബസന്ത്, എ.എസ്.ഐ സാജന്‍, സി.പി.ഒമാരായ സജീവ് കുമാര്‍, ധനേഷ്, മുരുകദാസ്, സനീര്‍ അടങ്ങുന്ന സംഘമാണ് പ്രതിയെ പിടികൂടിയത്.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
കേസിലെ മറ്റു നാലു പ്രതികളെ പൊലിസ് പിടികൂടിയിരുന്നു.