മുംബൈ: പ്രശസ്ത ബോളിവുഡ് ഗായിക മുബാറക് ബീഗം(80) അന്തരിച്ചു. മുംബൈയിലെ ജോഗേശ്വരിയില്‍ വാര്‍ധക്യസഹജമായ അസുഖത്തെ തുടര്‍ന്നായിരുന്നു അന്ത്യം. 1950കളിലും 70കളിലും ബോളിവുഡ് സംഗീത ലോകത്ത് നിറഞ്ഞുനിന്ന ഗായികയായിരുന്നു മുബാറക് ബീഗം.
സംഗീത കച്ചേരിയിലും ഗസല്‍ സംഗീതത്തിലൂടെയും പ്രശസ്തയായ ബീഗം സിനിമ പിന്നണി ഗായികയായും ശോഭിച്ചു. രാജസ്ഥാനില്‍ ജനിച്ച ബീഗം ഓള്‍ ഇന്ത്യാ റേഡിയോയിലൂടെയാണ് രംഗത്തെത്തിയത്. മുംബൈയിലെ ഓഷിവാരയില്‍ ഖബറടക്കം നടന്നു.