ഭോപ്പാല്‍: പശുസംരക്ഷണത്തിന്റെ പേരില്‍ രാജ്യത്ത് ഒട്ടേറെ വിവാദങ്ങള്‍ ഉയര്‍ന്നുകൊണ്ടിരിക്കുന്നതിനിടയില്‍ മധ്യപ്രദേശില്‍ പശുക്കള്‍ക്കായി ആംബുലന്‍സ് സര്‍വീസ് തുടങ്ങി.
ഖര്‍ഗോണ്‍ ജില്ലാ ഭരണകൂടമാണ് ആംബുലന്‍സ് സര്‍വിസ് തുടങ്ങിയത്. റോഡ് അപകടങ്ങളില്‍പെടുന്ന പശുക്കളുടെ രക്ഷക്കായാണ് ആംബുലന്‍സ് തുടങ്ങുന്നതെന്ന് ജില്ലാ ഭരണകൂടം അറിയിച്ചു. വാഹനങ്ങളിടിച്ച് റോഡില്‍ വീഴുന്ന കന്നുകാലികള്‍ക്ക് മെഡിക്കല്‍ സേവനം ഇല്ലാത്തതുകാരണം പലതും റോഡില്‍ കിടന്ന് ചാവുകയാണ്. ഇത് പരിഹരിക്കുന്നതിനായിട്ടാണ് ആംബുലന്‍സ് സര്‍വിസ് ഏര്‍പ്പെടുത്തിയിരിക്കുന്നത്.