ശ്രീനഗര്‍: ജമ്മു കശ്മിരിലെ പുല്‍വാമയില്‍ തീവ്രവാദികള്‍ നടത്തിയ ആക്രമണത്തില്‍ ഒരാള്‍ കൊല്ലപ്പെട്ടതായി സൈന്യം. ദാദൂര കണ്‍ഗാന്‍ പ്രവിശ്യയിലെ ആസാദ് അഹമ്മദ് ദര്‍ ആണ് കൊല്ലപ്പെട്ടതെന്നു പൊലിസ് വ്യക്തമാക്കി. കഴിഞ്ഞ ദിവസം രാത്രി പത്തോടെയായിരുന്നു വെടിവയ്പ്.
42കാരനായ ആസാദിന് സ്വന്തം വീട്ടില്‍വച്ചു വെടിയേറ്റയുടനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ലെന്നാണ് സൈന്യം വ്യക്തമാക്കുന്നത്. എന്നാല്‍, സംഭവത്തില്‍, ആരെയെങ്കിലും അറസ്റ്റ് ചെയ്യുകയോ സൈന്യം തിരിച്ചടിക്കുകയോ ചെയ്തതായി വിവരമില്ല.
സ്വാതന്ത്ര്യദിനാഘോഷം പ്രമാണിച്ച് കശ്മിരില്‍ വന്‍ സുരക്ഷാ ക്രമീകരണങ്ങള്‍ ഏര്‍പ്പെടുത്തിയിരുന്ന സൈഹചര്യത്തിലും ഇത്തരമൊരു ആക്രമണം നടന്നെന്നതു ശ്രദ്ധേയമാണ്.