യൂസര്‍മാര്‍ ഏറെ ആഗ്രഹിച്ച ഫീച്ചര്‍ ജനപ്രിയ മെസഞ്ചര്‍ ആപ്പായ വാട്‌സ്ആപ്പില്‍ ഉടന്‍ വരുന്നു. ഫേവറേറ്റ് ചാറ്റുകള്‍ മുകളില്‍ പിന്‍ ചെയ്ത് വയ്ക്കാവുന്ന ഫീച്ചറാണ് അടുത്ത വേര്‍ഷനില്‍ അവതരിപ്പിക്കുക. മൂന്ന് ചാറ്റുകള്‍ വരെ ഇങ്ങനെ പിന്‍ ചെയ്തു വയ്ക്കാം.

ബീറ്റാ യൂസര്‍മാര്‍ക്ക് പരീക്ഷണാര്‍ഥം ഫീച്ചര്‍ ലഭിച്ചുകഴിഞ്ഞു. വൈകാതെ മറ്റു യൂസര്‍മാരിലേക്കും ഇത് എത്തുമെന്നാണ് പ്രതീക്ഷിക്കുന്നത്.

ചാറ്റ് ടാബിന്റെ ഏറ്റവും മുകളില്‍ വരേണ്ട മൂന്ന് ചാറ്റുകള്‍ തെരഞ്ഞെടുത്ത് പിന്‍ ചെയ്തു വയ്ക്കാം. ഏത് ചാറ്റാണോ മുകളില്‍ വേണ്ടത്, അതില്‍ ലോങ് പ്രസ് ചെയ്താല്‍ മുകളിലെ ബാറില്‍ 'പിന്‍' അടയാളം വരും. നിലവില്‍ മ്യൂട്ട്, ഡിലീറ്റ്, ആര്‍ക്കൈവ് എന്നിങ്ങനെയുള്ള ഒപ്ഷനാണ് ഇവിടെ വരുന്നത്.

വ്യക്തികളുടെ ചാറ്റിനു പുറമേ ഗ്രൂപ്പ് ചാറ്റുകളെയും പിന്‍ചെയ്ത് മുകളിലാക്കാം. ഇങ്ങനെ ചെയ്തു വച്ചാല്‍, ഏതു സമയത്തും മുകളില്‍ തന്നെയായിരിക്കും പിന്‍ ചെയ്തവയുടെ സ്ഥാനം. പിന്‍ ചെയ്തവയെ 'അണ്‍- പിന്‍' ചെയ്യാനും ഒപ്ഷനുണ്ട്.