ബാഴ്‌സലോണ: കികെ സെറ്റിയന്‍ പുറത്തായതിന് പിന്നാലെ ബാഴ്‌സലോണ പുതിയ പരിശീലകനെ നിയമിച്ചു. ഡച്ച് പരിശീലകന്‍ റൊണാള്‍ഡ് കോമനാണ് ബാഴ്‌സലോണയുടെ പുതിയ പരിശീലകനായി ചുമതല ഏറ്റത്. ചാംപ്യന്‍സ് ലീഗിലെ തോല്‍വിക്ക് പിന്നാലെ ടീം കടുത്ത വിമര്‍ശനങ്ങള്‍ ഏറ്റുവാങ്ങിയിരുന്നു. ഇതിനെ തുടര്‍ന്നാണ് മുഖ്യ പരിശീലകനായ സെറ്റിയനെ മാറ്റിയത്. യൊഹാന്‍ ക്രൈഫിനു കീഴില്‍ കളിച്ച ബാഴ്‌സലോണയുടെ ഇതിഹാസ ടീമിലെ അംഗമായിരു കോമന്‍. അവസാന ഒരു വര്‍ഷത്തിനിടയില്‍ ബാഴ്‌സലോണയുടെ മൂന്നാമത്തെ പരിശീലകനാണ് കോമന്‍.
നേരത്തെ വാല്‍വര്‍ദെയെ പുറത്താക്കിയ സമയത്ത് തന്നെ ബാഴ്‌സലോണ കോമനെ സമീപിച്ചിരുന്നു. എന്നാല്‍ ആ സമയത്ത് ഹോളണ്ട് ദേശീയ ടീമിന്റെ ചുമതല ഒഴിയാന്‍ പറ്റില്ലൊയിരുന്നു കോമന്‍ പറഞ്ഞത്. ബാഴ്‌സലോണയെ കഷ്ടകാലത്തില്‍ നിന്ന് കരകയറ്റുക എതാണ് കോമന്റെ മുഖ്യ ലക്ഷ്യം. കോമന് കീഴില്‍ ഹോള@ണ്ട് ദേശീയ ടീം മികച്ച പ്രകടനമാണ് പുറത്തെടുത്തിരുന്നത്. ഇതാണ് കോമനെ ബാഴ്‌സോണയിലെത്തിക്കാന്‍ കാരണം. 1989 മുതല്‍ 1995 വരെ ബാഴ്‌സലോണയില്‍ കളിച്ചിരുന്ന റൊണാള്‍ഡ് കോമന്‍ ബാഴ്‌സക്ക് ഒപ്പം 10 കിരീടങ്ങള്‍ നേടിയിരുന്നു. മുമ്പ് സതാംപ്ട, എവര്‍ട്ടണ്‍ എന്നീ ഇംഗ്ലീഷ് ക്ലബുകളെ ഇദ്ദേഹം പരിശീലിപ്പിച്ചിട്ടുണ്ട@്. പരിശീലകന് പിന്നാലെ ഏതാനും ബാഴ്‌സലോണ താരങ്ങളേയും ക്ലബ് റിലീസ് ചെയ്യുമെന്നാണ് വിവരം.