തിരുവനന്തപുരം: തെരഞ്ഞെടുപ്പ് പെരുമാറ്റച്ചട്ടം ലംഘിച്ചതിന് തിരുവനന്തപുരത്തെ യു.ഡി.എഫ് സ്ഥാനാര്‍ഥി ശശി തരൂരിനെതിരേ പൊലിസ് കേസെടുത്തു.
'വൈ ഐ ആം എ ഹിന്ദു'എന്ന പുസ്തകത്തിന്റെ ചിത്രം പ്രചാരണ പോസ്റ്ററുകളില്‍ ഉള്‍പ്പെടുത്തിയതിനാണ് തിരുവനന്തപുരം മ്യൂസിയം പൊലിസ് കേസെടുത്തത്ത്.
ഹിന്ദു ദൈവങ്ങളുടെ ചിത്രങ്ങളുള്ള പുസ്തകത്തിന്റെ കവര്‍ പോസ്റ്ററുകളില്‍ ഉപയോഗിച്ചെന്ന പരാതിയെ തുടര്‍ന്നാണ് കേസ്.

മത ചിഹ്നങ്ങളുടെയും ജാതിയുടെയും പേരില്‍ വോട്ട് നേടാന്‍ ശ്രമിക്കുന്നത് മാതൃകാ പെരുമാറ്റച്ചട്ടത്തിന്റെ ലംഘനമാണെന്ന് തെരഞ്ഞെടുപ്പ് കമ്മിഷന്‍ മുന്നറിയിപ്പ് നല്‍കിയിരുന്നു.