തിരുവനന്തപുരം: ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന് കരുത്ത് പകരാന്‍ എല്‍.ഡി.എഫിന് തിളക്കമാര്‍ന്ന വിജയം സമ്മാനിക്കണമെന്ന് കണ്‍വീനര്‍ എ. വിജയരാഘവന്‍ പ്രസ്താവനയില്‍ അഭ്യര്‍ഥിച്ചു. കോണ്‍ഗ്രസും ബി.ജെ.പിയും രാജ്യത്ത് നടപ്പാക്കുന്നത് ഒരേ നയമാണ്. അഴിമതിയുടെ കാര്യത്തില്‍ കോണ്‍ഗ്രസിനെ ബി.ജെ.പി കടത്തിവെട്ടിയതിന് തെളിവാണ് റഫേല്‍ വിമാന ഇടപാട്. മതത്തിന്റെയും വിശ്വാസത്തിന്റെയും പേരില്‍ അക്രമം നടത്തുന്നവര്‍ക്ക് ശക്തമായ മുന്നറിയിപ്പ് നല്‍കാന്‍ എല്‍.ഡി.എഫ് സ്ഥാനാര്‍ഥികളെ വിജയിപ്പിക്കണമെന്ന് വിജയരാഘവന്‍ ആവശ്യപ്പെട്ടു.