നരിക്കുനി: ഏപ്രില്‍ 29, 30 തിയതികളിലായി കണ്ണൂര്‍ മുണ്ടയാട് ഇന്‍ഡോര്‍ സ്റ്റേഡിയത്തില്‍ വെച്ച് നടന്ന മുപ്പത്തി ഏഴാമത് സംസ്ഥാന കരാത്തെ ചാമ്പ്യന്‍ഷിപ്പില്‍ മൂന്ന് സ്വര്‍ണവും ഒരു വെങ്കലവും നേടി ജെ.എസ്.കെ.എ നരിക്കുനി ദോജോ ടീം തിളക്കമാര്‍ന്ന വിജയം കൈവരിച്ചു. ഫൈറ്റിങില്‍ സ്വര്‍ണ മെഡല്‍ നേടിയ കൃഷ്ണ പ്രിയ, അഞ്ജു, എന്‍.എം, ജിന്‍ഷ സന്തോഷ് എന്നീ വിദ്യാര്‍ഥികള്‍ മെയ് 11,12,13 തിയതികളില്‍ ഡല്‍ഹിയില്‍ വെച്ച് നടക്കുന്ന ദേശീയ കരാത്തെ ചാമ്പ്യന്‍ഷിപ്പില്‍ കേരളത്തെ പ്രതിനിധീകരിക്കും.