ചൊക്ലി: ചൂട് കനത്തതോടെ കുടിവെള്ള ക്ഷാമം രൂക്ഷമായ പുല്ലൂക്കര, സൗത്ത് അണിയാരം, പൂക്കോം പ്രദേശങ്ങളിലെ നൂറോളം കുടുംബങ്ങള്‍ക്ക് ആശ്വാസമേകി ശിഹാബ് തങ്ങള്‍ കുടിവെള്ള പദ്ധതി. പെരിങ്ങത്തൂര്‍ സൗത്ത്, അണിയാരം വാര്‍ഡ് മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ നടപ്പിലാക്കുന്ന ശിഹാബ് തങ്ങള്‍ കുടിവെള്ള പദ്ധതി മുന്‍സിപല്‍ പ്രസിഡന്റ് ഡോ. മുഹമ്മദ് റഫീഖ് ഉദ്ഘാടനം ചെയ്തു. കെ.പി അബ്ദുള്ള അദ്ധ്യക്ഷനായി. കുറുവാളി മമ്മു ഹാജി, ടി.കെ ഹനീഫ്, കെ.ടി ഖാദര്‍, കെ.പി കാദു, പി.കെ മുസ്തഫ ഹാജി, കെ.ടി ജാഫര്‍, പി.കെ സുരേഷ് മാസ്റ്റര്‍, കുണ്ടത്തില്‍ അബൂബക്കര്‍, സി.എച്ച് അബ്ദുറഹിമാന്‍, പി. കുഞ്ഞമ്മദ് ഹാജി,വി.പി ഉസ്മാന്‍, കെ.പി  സമീര്‍, ടി.കെ മുനീര്‍, അഷ്മില്‍ കൂലോത്ത്, കെ.പി റാഷിദ്, വി.പി റംഷാദ് സംസാരിച്ചു.
പുല്ലൂക്കര കുനിയില്‍ പീടിക ശിഹാബ് തങ്ങള്‍ കുടിവെള്ള പദ്ധതി പാനൂര്‍ നഗരസഭ സ്റ്റാന്റിംങ് കമ്മിറ്റി ചെയര്‍മാന്‍ ഇ.എ നാസര്‍ ഉദ്ഘാടനം ചെയ്തു. അബ്ദുറഹിമാന്‍ ദാരിമി, നന്തോത്ത് പക്രുട്ടി ഹാജി, എം.കെ ഉമ്മര്‍, കെ അസ്‌ലം, കെ.കെ സമീര്‍ സംസാരിച്ചു.