HOME
DETAILS

തളിപ്പറമ്പില്‍ പൂട്ടിയിട്ട വീട് കുത്തിതുറന്ന് മോഷണം

  
backup
May 02 2017 | 22:05 PM

%e0%b4%a4%e0%b4%b3%e0%b4%bf%e0%b4%aa%e0%b5%8d%e0%b4%aa%e0%b4%b1%e0%b4%ae%e0%b5%8d%e0%b4%aa%e0%b4%bf%e0%b4%b2%e0%b5%8d%e2%80%8d-%e0%b4%aa%e0%b5%82%e0%b4%9f%e0%b5%8d%e0%b4%9f%e0%b4%bf%e0%b4%af%e0%b4%bf



തളിപ്പറമ്പ്: പൂട്ടിയിട്ട വീട് കുത്തിത്തുറന്ന് സ്വര്‍ണാഭരണങ്ങളും പണവും കവര്‍ന്നു. തൃച്ഛംബരം പെട്രോള്‍പമ്പിനു സമിപത്തു താമസിക്കുന്ന പരിയാരം ദന്തല്‍ കോളജ് പ്രിന്‍സിപ്പല്‍ നടുവില്‍ സ്വദേശി ഡോ. സജിയുടെ വാടക വീട്ടിലാണ് മോഷണം നടന്നത്. അഞ്ച് പവന്‍ സ്വര്‍ണവും 25,000 രൂപയും നഷ്ടപ്പെട്ടു. സജിയും കുടുബവും ഏപ്രില്‍ 30ന് വീട് പൂട്ടി നാട്ടിലേക്ക് പോയതായിരുന്നു. ഇന്നലെ രാവിലെ തിരിച്ചെത്തിയപ്പോഴാണ് വീടിന്റെ മുന്‍വാതില്‍ പൊളിച്ചതായി കണ്ടത്. കിടപ്പുമുറിയിലെ അലമാരയില്‍ സൂക്ഷിച്ച അഞ്ച് പവന്‍ സ്വര്‍ണവും 25,000 രൂപയുമാണ് മോഷ്ടാവ് കൊണ്ടുപോയത്.
തളിപ്പറമ്പ് പ്രിന്‍സിപ്പല്‍ എസ്.ഐ പി.എ ബിനുമോഹന്റെ നേതൃത്വത്തിലെത്തിയ പൊലിസ് അന്വേഷണം ആരംഭിച്ചു. ഡോഗ് സ്‌ക്വാഡിലെ നായ മണം പിടിച്ച് ചിറവക്ക് വരെ പോയിരുന്നു. വിരലടയാള വിദഗ്ധര്‍ സ്ഥലത്തെത്തി പരിശോധന നടത്തി. ഇന്നലെ തന്നെ പാലകുളങ്ങരയിലെ മറ്റൊരു പൂട്ടിയിട്ട വീട്ടിലും മോഷ്ടാവ് കയറിയെങ്കിലും ഒന്നും നഷ്ടപ്പെട്ടിട്ടില്ല.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."