തിരുവനന്തപുരം: പൊലിസ് വകുപ്പുമായി ബന്ധപ്പെട്ട ചില രേഖകള്‍ പ്രതിപക്ഷത്തിന് ചോര്‍ത്തി നല്‍കിയെന്ന ആരോപണം നിഷേധിച്ച് ടി.പി സെന്‍കുമാര്‍. വിവരാവകാശ നിയമപ്രകാരം പലര്‍ക്കും കിട്ടിയ രേഖകളാണ് താന്‍ കോടതിയില്‍ ഹാജരാക്കിയതെന്ന് അദ്ദേഹം പറഞ്ഞു.

കഴിഞ്ഞ ദിവസം നിയമസഭയില്‍ പ്രതിപക്ഷം വായിച്ച ചില സര്‍ക്കാര്‍ രേഖകള്‍ സെന്‍കുമാര്‍ ചോര്‍ത്തി നല്‍കിയതാണെന്ന് സര്‍ക്കാര്‍ സംശയമുന്നയിച്ചിരുന്നു. ഈ സാഹചര്യത്തിലാണ് വിശദീകരണവുമായി സെന്‍കുമാര്‍ രംഗത്തുവന്നത്. രേഖകള്‍ ചോര്‍ത്തിയിട്ടില്ലെന്നും സര്‍ക്കാരുമായി ഏറ്റുമുട്ടലിനില്ലെന്നും സെന്‍കുമാര്‍ വ്യക്തമാക്കി.

കോടതി വിധിയില്‍ വ്യക്തത ആവശ്യപ്പെട്ട് സര്‍ക്കാര്‍ ഇന്ന് ഹരജി നല്‍കുമെന്നാണ് സൂചന.

അതേസമയം, ഡിജിപി നിയമനം വൈകുന്നതിനെതിരെ സെന്‍കുമാര്‍ നല്‍കിയ ഹരജി വെള്ളിയാഴ്ച സുപ്രിംകോടതി പരിഗണിക്കാനിരിക്കുകയാണ്. അതുവരെ കാത്തിരിക്കും. ഔദ്യോഗികമായി ആശയവിനിമയം ഇതുവരെ നടന്നിട്ടില്ലെന്നും ടിപി സെന്‍കുമാര്‍ വ്യക്തമാക്കി.