വൈക്കം: താലൂക്ക് എന്‍.എസ്.എസ് യൂനിയന്റെയും ബാലസമാജം യൂനിയന്റെയും നേതൃത്വത്തില്‍ 97 ക രയോഗങ്ങളിലെ ബാലസമാജങ്ങളുടെ സംഗമം കെ.എന്‍.എന്‍ സ്മാരക എന്‍.എസ്.എസ് ഓഡിറ്റോറിയത്തില്‍ നടത്തി.
വൈസ് പ്രസിഡന്റ് എസ്.മധുവിന്റെ അധ്യക്ഷതയില്‍ നടന്ന സമ്മേളനം യൂനിയന്‍ പ്രസിഡന്റ് ഡോ.സി.ആര്‍ വിനോദ് കുമാര്‍ ഉദ്ഘാടനം ചെയ്തു. യൂനിയന്‍ സെക്രട്ടറി കെ.വി വേണുഗോപാല്‍, എന്‍.ജി ബാലചന്ദ്രന്‍, കെ.എസ് സാജുമോന്‍, എസ്.മുരുകേശ്, റ്റി.ആര്‍ ഇന്ദിരാമണി, ബാലസമാജം പ്രസിഡന്റ് അശ്വിന്‍, സെക്രട്ടറി പ്രകീര്‍ത്തന എന്നിവര്‍ പ്രസംഗിച്ചു. ബാലസമാജം യൂനിയന്‍ ഭാരവാഹികളായി അശ്വിന്‍ മണിലാല്‍ (പ്രസിഡന്റ്), റ്റി.പി പ്രകീര്‍ത്തന( സെക്രട്ടറി), എസ്.ഗീതാഞ്ജലി നായര്‍(ട്രഷറര്‍) എന്നിവരെ തെരഞ്ഞെടുത്തു.