ചണ്ഡീഗഡ്: പത്താന്‍കോട്ട് സൈനിക താവളത്തില്‍ അതീവ ജാഗ്രതാ നിര്‍ദ്ദേശം. സംശയാസ്പദമായ സാഹചര്യത്തില്‍ രണ്ടു ബാഗുകള്‍ കണ്ടെത്തിയതിനെ തുടര്‍ന്നാണിത്.

സൈനിക ക്യാമ്പില്‍ നിന്ന് ഏതാനും അടി ദൂരത്തിലാണ് ബാഗുകള്‍ കണ്ടെത്തിയത്. ബാഗില്‍ നിന്ന് മൊബൈല്‍ ടവര്‍ ബാറ്ററികള്‍ കണ്ടെടുത്തിട്ടുണ്ട്. ബാഗുകള്‍ ആരാണ് ഇവിടെ ഉപേക്ഷിച്ചതെന്നറിയാനുള്ള പരിശോധനകള്‍ നടക്കുകയാണ്.

ഗുര്‍ദാസ്പൂര്‍ ജില്ലയില്‍ ബുധനാഴ്ച ഉപേക്ഷിക്കപ്പെട്ട നിലയില്‍ എസ്.യു.വി കണ്ടെത്തിയിരുന്നു. വ്യാജ രജിസ്‌ട്രേഷനിലുള്ള വാഹനം ജമ്മുവില്‍ നിന്ന് മോഷ്ടിച്ചതാണെന്ന് കണ്ടെത്തിയിയിരുന്നു.