കിളിമാനൂര്‍: എക്‌സൈസ് റെയിഞ്ചിന്റെ വിവിധ ഭാഗങ്ങളില്‍ എക്‌സൈസ് സംഘം നടത്തിയ മിന്നല്‍ പരിശോധനയില്‍ കഞ്ചാവു കേസിലേതടക്കം നിരവധി പ്രതികളെ പിടികൂടി.
നാവായിക്കുളം ക്ഷേത്രത്തിനുസമീപം കഞ്ചാവ് വില്‍പന നടത്തിവന്ന  പള്ളിക്കല്‍ സ്വദേശി അബ്ദുള്‍ ജബ്ബാറിനെയാണ് കഞ്ചാവ് കേസില്‍ അറസ്റ്റ് ചെയ്തത്.ഇയാളില്‍ നിന്നും 20 പൊതി കഞ്ചാവും കണ്ടെടുത്തു.ഇയാളെ കോടതിയില്‍ ഹാജരാക്കി റിമാന്റ് ചെയ്തു.അനധികൃതമായി മദ്യവില്‍പന നടത്തിയതിന് കാട്ടുംപുറം സ്വദേശി ബിനുവിനെ കസ്റ്റഡിയിലെടുത്തു.ഇയാളില്‍നിന്നും നാലു  ലിറ്റര്‍ വിദേശമദ്യവും പിടിച്ചെടുത്തു. അളവില്‍ കൂടുതല്‍ വിദേശമദ്യം സൂക്ഷിച്ചതിന് തുമ്പോട് സീമന്തപുരം സ്വദേശി സുകുമാരന്‍നായര്‍, പൊതുസ്ഥലത്ത് പരസ്യമായി മദ്യാപാനം നടത്തിയകേസില്‍ കിളിമാനൂര്‍ സ്വദേശി സുരേഷ്‌കുമാര്‍, ഒറ്റൂര്‍ സ്വദേശി സജീവ്, തോട്ടയ്ക്കാട് സ്വദേശി കുമാര്‍, പുളിമാത്ത് സ്വദേശി വിജയന്‍ എന്നിവരെ
അറസ്റ്റുചെയ്തു.പ്രതികളില്‍ നിന്നും എട്ടു ലിറ്റര്‍ വിദേശമദ്യവും എക്‌സൈസ് സംഘം പിടിച്ചെടുത്തു.സ്‌കൂള്‍ പരിസരങ്ങളില്‍ പുകയില ഉല്‍പന്നങ്ങല്‍ വിറ്റഴിച്ച കുറ്റത്തിന് പതിനാല് കേസുകള്‍  രജിസ്റ്റര്‍ ചെയ്തു.222 പാക്കറ്റ് പുകയില ഉല്‍പന്നങ്ങള്‍ പിടിച്ചെടുത്തു.
പരിശോധനക്ക് കിളിമാനൂര്‍ എക്‌സൈസ് റെയിഞ്ച് ഇന്‍സ്‌പെക്ടര്‍ ആര്‍ പി മിഥിന്‍ലാല്‍, അസിസ്റ്റന്റ് എക്‌സൈസ് ഇന്‍സ്‌പെക്ടര്‍മാരായ കെ പത്മരാജന്‍, എ അബ്ദുള്‍ സലാം, പ്രിവന്റീവ് ഓഫീസര്‍ വിജയന്‍കാണി, സിവില്‍ എക്‌സൈസ് ഓഫീസര്‍മാരായ ഷിബുകുമാര്‍, ബിമല്‍നാഥ്, സജീര്‍, ജയകുമാര്‍, അജിതാകുമാരി എന്നിവര്‍ നേതൃത്വംനല്‍കി.റെയിഞ്ചിന്റെ വിവിധ ഭാഗങ്ങളില്‍ എക്‌സൈസ് കുറ്റങ്ങള്‍ ശ്രദ്ധയില്‍ പെട്ടാല്‍ പൊതുജനങ്ങള്‍ക്ക് 0470 2672227, 9400069422 എന്നീ നമ്പരുകളില്‍ ബന്ധപ്പെടാവുന്നതാണ്.