കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴില്‍ നടക്കുന്ന പൊതുപരീക്ഷയുടെ ഒരുക്കങ്ങള്‍ പൂര്‍ത്തിയായി. നാളെ രാവിലെ 8 മുതല്‍ ആരംഭിക്കുന്ന പരീക്ഷ ഞായറാഴ്ച സമാപിക്കും.
ഇന്ത്യക്കകത്തും പുറത്തുമായി 6842 സെന്ററുകളില്‍വച്ച് നടത്തുന്ന പൊതുപരീക്ഷയില്‍ 2,23,151 വിദ്യാര്‍ഥികളാണ് പങ്കെടുക്കുന്നത്.
135 സൂപ്രണ്ടുമാരെയും 8,940 സൂപ്പര്‍വൈസര്‍മാരെയും പരീക്ഷക്കായി നിയോഗിച്ചിട്ടുണ്ട്. ഇന്ന് വൈകുന്നേരം 3ന് ഡിവിഷന്‍ കേന്ദ്രങ്ങളില്‍വച്ച് ചോദ്യപേപ്പര്‍ വിതരണവും സൂപ്പര്‍വൈസര്‍മാര്‍ക്കുള്ള പരിശീലനവും നടക്കും.
ചേളാരി സമസ്താലയത്തില്‍ നടന്ന സൂപ്രണ്ടുമാര്‍ക്കുള്ള പരിശീലനവും പരീക്ഷാ സാമഗ്രികളുടെ വിതരണോദ്ഘാടനവും സമസ്ത കേരള ഇസ്‌ലാം മത വിദ്യാഭ്യാസ പരീക്ഷാ ബോര്‍ഡ് ചെയര്‍മാന്‍ എം.ടി അബ്ദുല്ല മുസ്‌ലിയാര്‍ നിര്‍വഹിച്ചു.
മാനേജര്‍ കെ മോയിന്‍കുട്ടി മാസ്റ്റര്‍ അധ്യക്ഷനായി. കെ.പി അബ്ദുറഹ്മാന്‍ മുസ്‌ലിയാര്‍, കെ.സി അഹ്മദ് കുട്ടി മൗലവി പ്രസംഗിച്ചു. എ.ടി.എം കുട്ടി സ്വാഗതവും കെ മൊയ്തീന്‍ ഫൈസി നന്ദിയും പറഞ്ഞു.