കാക്കനാട്: ചിന്തയുടെ പാതയില്‍ പുത്തന്‍ തലമുറ എന്ന സന്ദേശവുമായി എസ്.കെ.എസ.്എസ്.എഫ് മലേപ്പള്ളി കൊല്ലംകുടിമുഗള്‍ യൂനിറ്റ് സംഘടിപ്പിക്കുന്ന മുഫക്കിറ 2017 വാര്‍ഷിക സമ്മേളനവും മതവിജ്ഞാന സദസിനും സണ്‍റൈസ് ഹോസ്പിറ്റലിനു സമീപമുള്ള വാദീ മര്‍ഹമ നഗരിയില്‍ തുടക്കമായി.ഇന്നലെ രാവിലെ 7.30 ന് എസ്.കെ.എസ.്എസ്.എഫ് ജില്ലാ ജനറല്‍ സെക്രട്ടറി പി.എം ഫൈസല്‍ പതാക ഉയര്‍ത്തി.
തുടര്‍ന്ന് വൈകിട്ട് 7 മണിക്ക് നടന്ന  സമ്മേളനം എസ്.കെ.എസ.്എസ്.എഫ് ജില്ലാ പ്രസിഡന്റ് സയ്യിദ് ഷഫീഖ് തങ്ങള്‍ ഉദ്ഘാടനം നിര്‍വ്വഹിച്ചു. ഡോക്ടര്‍ ബഷീര്‍ഫൈസി ദേശമംഗലം 'മധുരമാണീ ഈമാന്‍ ' എന്ന വിഷയത്തില്‍ പ്രഭാഷണം നടത്തി. എസ്.കെ.എസ.്എസ്.എഫ്  ശാഖ പ്രസിഡന്റ് മുഹമ്മദ് ആബിദ് കെ.എ അധ്യക്ഷത വഹിച്ച യോഗത്തില്‍ ജനറല്‍ സെക്രട്ടറി മുഹമ്മദ് ആത്വിഫ് വി.എ സ്വാഗതം പറഞ്ഞു. എസ്.വൈ.എസ് സംസ്ഥാന സെക്രട്ടറി എ.എം.പരീത്, എം.എം.അബൂബക്കര്‍ ഫൈസി, എം.എം.എ ജനറല്‍ സെക്രട്ടറി കെ.എം അബ്ദുള്‍ റഹ്മാന്‍, എസ്‌കെജെഎം ജനറല്‍ ജനറല്‍ സെക്രട്ടറി കെ.എം യൂസഫ് മാസ്റ്റര്‍, അസ്ലം ഫൈസി, എസ്.വൈ.എസ് മലേപ്പള്ളി ശാഖ പ്രസിഡന്റ് ടി.എ അബ്ദുള്‍ സലിം, വാര്‍ഡ് കൗണ്‍സിലര്‍മാരായ പി.എം യൂസഫ്, സി.എ നിഷാദ്, ശാഖ ട്രഷറര്‍ കെ.എ മുഹമ്മദ് സജാദ് തുടങ്ങിയവര്‍ സംബന്ധിച്ചു.മലേപ്പള്ളി ഇമാം ഹസ്സന്‍ കാമില്‍ സഖാഫി പ്രാര്‍ത്ഥനക്ക് നേതൃത്വവും നല്‍കി.ഇന്ന് രാത്രി 8 മണിക്ക് തൃക്കാക്കര ജമാഅത്ത് ഖത്തീബ് അബ്ദുള്‍ ലത്തീഫ് വാഫി ഉദ്ഘാടനം നടത്തുന്ന സെഷനില്‍ 'അനുഗ്രഹങ്ങള്‍ വിചാരണ ചെയ്യപ്പെടുമ്പോള്‍' എന്ന വിഷയത്തില്‍ ഷെമീര്‍ ദാരിമി കൊല്ലം പ്രഭാഷണം നടത്തും.