കൈറോ: ലോകത്തിലെ ഏറ്റവും വലിയ ഖുര്‍ആന്‍ രൂപകല്‍പന ചെയ്ത ഗിന്നസില്‍ ഇടം നേടാന്‍ ഈജിപ്തുകാരന്‍.സഅദ് മുഹമ്മദെന്ന കലാകാരനാണ് 700 മീറ്ററോളം വരുന്ന ഖുര്‍ആന്‍ തയ്യാറാക്കി ലോക റെക്കോര്‍ഡിടാന്‍ ശ്രമിക്കുന്നത്.
കൈറോയിലെ ബെല്‍ഖിനയിലെ തന്റെ വീടിനകത്തും ചുമരുകളിലുമായി കൈകളാല്‍ രൂപകല്‍പന ചെയ്താണ് ഇത്രയും വലിയ ഖുര്‍ആന്‍ അദ്ദേഹം നിര്‍മിച്ചത്.
ഖുര്‍ആന്റെ കൈയെഴുത്ത് പ്രതികള്‍ സൂക്ഷിച്ചിരുക്കുന്ന വലിയ മരപ്പെട്ടികളിലും സങ്കീര്‍ണമായ കൈയഴുത്തുകളാല്‍ ഇദ്ദേഹം അലങ്കരിച്ചിട്ടുണ്ട്.
700 മീറ്ററോളമുള്ള ഖുര്‍ആന്‍ തയ്യാറാക്കായി നിരവധി പേപ്പറുകള്‍ ആവശ്യമായിട്ടുണ്ടെന്ന് മുഹമ്മദ് വാര്‍ത്താ ഏജന്‍സിയോട് പറഞ്ഞു. സ്വന്തമായുള്ള വരുമാനത്തില്‍ നിന്നാണ് മൂന്ന് വര്‍ഷമായി ഇത്തരത്തിലുള്ള ഖുര്‍ആന്‍ തയ്യാറാക്കി കൊണ്ടിരിക്കുന്നതെന്നു അദ്ദേഹം കൂട്ടിച്ചേര്‍ത്തു.
കൈയഴുത്തലുള്ള ഇത്തരത്തിലുള്ള ഖുര്‍ആന്‍ ആരും മുന്‍പ് തയ്യാറാക്കിയിട്ടില്ലെന്നും ലോകത്ത് പുതിയ റെക്കോര്‍ഡാണിതെന്നു ഗിന്നസ് അധികൃതര്‍ പറഞ്ഞു.