തരുവണ: കാര്‍ നയന്ത്രണംവിട്ട് ബൈക്കുകളിലിടിച്ച് രണ്ടുപേര്‍ക്ക് പരുക്ക്. പിടഞ്ഞാറത്തറ-മാനന്തവാടി റോഡില്‍ തരുവണ പുലിക്കാട് വൈകുന്നേരം ആറോടെയാണ് അപകടമുണ്ടായത്.
മാനന്തവാടി ഭാഗത്തേക്ക് വരികയായിരുന്ന ഇരിട്ടി സ്വദേശികള്‍ സഞ്ചരിച്ചിരുന്ന കാര്‍ നിയന്ത്രണം വിട്ട് റോഡരികില്‍ നിര്‍ത്തിയിട്ടിരുന്ന രണ്ട് ബൈക്കുകളും, ഒരു സ്‌ക്കൂട്ടറും ഇടിച്ചുതെറിപ്പിച്ചു. തുടര്‍ന്ന് സമീപത്തെ പള്ളിമതിലില്‍ ഇടിച്ചു നില്‍ക്കുകയായിരുന്നു.
ബൈക്കിന് സമീപം സംസാരിച്ച് കൊണ്ടിരുന്ന പുലിക്കാട് സ്വദേശികളായ അരിയാക്കൂല്‍ റാഷിദ്(22), ചൂര്യന്‍ അബ്‌സാര്‍(26) എന്നിവര്‍ക്കാണ് പരുക്കേറ്റത്.
 നിസാര പരുക്കേറ്റ ഇവരെ ജില്ലാആശുപത്രിയില്‍ പ്രവേശിപ്പിച്ചു. കാര്‍ഡ്രൈവര്‍ ഉറങ്ങിയതാണ് അപകടമുണ്ടാകാന്‍ കാരണം.