ശ്രീനഗര്‍: ജമ്മു- കശ്മിരില്‍ നിന്നുള്ള ഐ ലീഗ് രണ്ടാം ഡിവിഷന്‍ ടീം റയല്‍ കശ്മിര്‍ എഫ്.സി വിദേശ പര്യടനത്തിന്. വിദേശ പര്യടനം നടത്തുന്ന കശ്മിരിലെ ആദ്യ ടീം കൂടിയായി ഇതോടെ റയല്‍ മാറി. ജൂലൈ എട്ടിന് സ്‌കോട്ടിഷ് മൂന്നാം ഡിവിഷന്‍ ടീം സ്റ്റെന്‍ഹൗസ്മ്യുര്‍ ടീമുമായി റയല്‍ സൗഹൃദ മത്സരത്തില്‍ ഏറ്റുമുട്ടും. പ്രീ സീസണ്‍ പോരാട്ടത്തിന്റെ ഭാഗമായാണ് കശ്മിര്‍ ടീമിന്റെ വിദേശ പര്യടനം. കഴിഞ്ഞ സീസണിലാണ് ടീം ഐ ലീഗ് രണ്ടാം ഡിവിഷനില്‍ അരങ്ങേറ്റം കുറിച്ചത്.