ബാംഗ്ലൂര്‍: കഴിഞ്ഞ ദിവസം റോയല്‍ ചാലഞ്ചേഴ്‌സ് ബാംഗ്ലൂരിനെതിരേ മികച്ച പ്രകടനം നടത്തിയ ചെന്നൈ സൂപ്പര്‍ കിങ്‌സിന്റെ തലൈവന്‍ മഹേന്ദ്ര സിങ് ധോണി ഇനി സിക്‌സറുകളുടെ രാജാവ്. ഐ.പി.എല്ലില്‍ 200 സിക്‌സറുകള്‍ കടക്കുന്ന ആദ്യ ഇന്ത്യന്‍ താരമെന്ന ബഹുമതിയാണ് ധോണി സ്വന്തമാക്കിയത്. ബാംഗ്ലൂരിനെതിരായ മത്സരത്തിലാണ് ധോണി നേട്ടം സ്വന്തമാക്കിയത്. 203 സിക്‌സറുകളാണ് ഇപ്പോള്‍ ധോണിയുടെ പേരില്‍ കുറിച്ചിട്ടുള്ളത്.
ഐ.പി.എല്ലില്‍ 323 സിക്‌സറുകളടിച്ച ക്രിസ് ഗെയ്‌ലാണ് ഒന്നാം സ്ഥാനത്തെങ്കിലും ഇന്ത്യന്‍ താരങ്ങളിലാണ് ധോണി മുന്നില്‍ നില്‍ക്കുന്നത്. 204 സിക്‌സറുകളുമായി എബി ഡിവില്ലിയേഴ്‌സ് ര@ണ്ടാം സ്ഥാനത്തും നില്‍ക്കുന്നുണ്ട്. സുരേഷ് റെയ്‌ന, രോഹിത് ശര്‍മ എന്നിവരാണ് സിക്‌സറിന്റെ കാര്യത്തില്‍ ധോണിയുടെ പിറകിലുള്ള ഇന്ത്യന്‍ താരങ്ങള്‍. ഇരുവരും 190 സിക്‌സറുകളാണ് അടിച്ചിട്ടുള്ളത്. അവസാന മത്സരത്തിലെ പ്രകടനത്തോടെ ധോണി ഐ.പി.എല്ലില്‍ 4000 റണ്‍സും പൂര്‍ത്തിയാക്കി. എ.പി.എല്‍ പുതിയ സീസണില്‍ ധോണി 9 മത്സരങ്ങളില്‍നിന്നായി 314 റണ്‍സ് സ്വന്തമാക്കിയിട്ടുണ്ട്. ബാംഗ്ലൂരിനെതിരേ 48 പന്തില്‍ നിന്ന് 84 റണ്‍സെടുത്തതാണ് സീസണിലെ ഏറ്റവും മികച്ച പ്രകടനം.