ആലക്കോട്: ആദിവാസി കോളനി ഉള്‍പ്പെടെ നിരവധി പ്രദേശങ്ങളെ ആലക്കോടുമായി ബന്ധിപ്പിക്കുന്ന കോളി റോഡ് തകര്‍ന്നു. ആലക്കോട്-കോളി-പൂവഞ്ചാല്‍-തോണ്ടിക്കുഴി-കാപ്പിമല റോഡാണ് പൊട്ടിപ്പൊളിത്ത് പൂര്‍ണമായി തകര്‍ന്നത്.
കോളി മേഖലയിലെ നൂറുകണക്കിനു കുടുംബാംഗങ്ങളെ നഗരവുമായി ബന്ധിപ്പിക്കുന്ന ഏക റോഡാണ് അധികൃതരുടെ അവഗണനയെ തുടര്‍ന്ന് തകര്‍ന്നത്.
റോഡ് വീതികൂട്ടി മെക്കാഡം ടാറിങ് നടത്തുന്നതിനു 15 കോടി രൂപ അനവദിച്ചതായി രണ്ടരവര്‍ഷം മുന്‍പ് സംസ്ഥാന ബജറ്റില്‍ പ്രഖ്യാപിച്ചിരുന്നു.
എന്നാല്‍ ഇത് പ്രഖ്യാപനത്തില്‍ മാത്രം ഒതുങ്ങി. മഴവെള്ളം കുത്തിയൊലിച്ചതാണ് റോഡ് തകരാന്‍ കാരണം.