പുതിയങ്ങാടി (കോഴിക്കോട്): സമസ്ത കേരള ജംഇയ്യത്തുല്‍ ഉലമയുടെ സ്ഥാപക പ്രസിഡന്റും സൂഫിവര്യനുമായ സയ്യിദ് അബ്ദുറഹിമാന്‍ ബാഅലവി മുല്ലക്കോയ തങ്ങളുടെ 89ാമത് ഉറൂസ് ഇന്ന് രാത്രി ഏഴിന് പുതിയങ്ങാടി വരക്കല്‍ മഖാമില്‍ നടക്കും. സമസ്ത മുശാവറ അംഗം എ.വി അബ്ദുറഹിമാന്‍ മുസ്‌ലിയാര്‍ ഉദ്ഘാടനം ചെയ്യും. ഹസന്‍ സഖാഫി പൂക്കോട്ടൂര്‍ മുഖ്യപ്രഭാഷണം നടത്തും. തുടര്‍ന്ന് മൗലിദ് പാരായണം, പ്രാര്‍ഥനാ സദസ് എന്നിവയും നടക്കും.