തൃപ്രയാര്‍ : വോട്ടവകാശം വിനിയോഗിക്കാന്‍ തിരക്കുകള്‍ മാറ്റിവെച്ച് എം.എ.യൂസഫലിയെത്തി. മലേഷ്യയിലെ കോലലംപൂരിലായിരുന്ന യൂസഫലി തെരഞ്ഞെടുപ്പ് തലേന്ന് രാത്രിയാണ് കൊച്ചിയിലെത്തിയത്.

തെരഞ്ഞെടുപ്പ് ദിവസം രാവിലെ 11 മണിയോടെ സ്വന്തം ഹെലികോപ്ടറില്‍ നാട്ടികയില്‍ വന്നിറങ്ങിയ യൂസഫലി ഭാര്യ ഷാബിറയോടൊപ്പം നാട്ടിക എയ്ഡഡ് മാപ്പിള എല്‍.പി സ്‌കൂളിലെ 115 ാം നമ്പര്‍ ബൂത്തിലെത്തി വോട്ടു ചെയ്തു. രണ്ടാം തവണയാണ് വോട്ടവകാശം നിര്‍വഹിക്കുന്നതെന്ന് യൂസഫലി പറഞ്ഞു. ഉച്ചയോടെ അദ്ദേഹം അബുദാബിക്കു മടങ്ങുകയും ചെയ്തു.