കോഴിക്കോട്: ഉദ്യോഗസ്ഥര്‍ വിമര്‍ശനം ഉള്‍ക്കൊണ്ട് അതിനെ പ്രവര്‍ത്തിക്കാനുള്ള ഊര്‍ജമാക്കണമെന്ന് മലയാളം സര്‍വകലാശാല വൈസ് ചാന്‍സിലര്‍ കെ. ജയകുമാര്‍. മാധ്യമപ്രവര്‍ത്തകനായിരുന്ന വി. രാജഗോപാലിന്റെ ഒന്നാം ചരമവാര്‍ഷിത്തോടനുബന്ധിച്ച് കാലിക്കറ്റ് പ്രസ്‌ക്ലബില്‍ നടന്ന അനുസ്മരണ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഉദ്യോഗസ്ഥരും മാധ്യമപ്രവര്‍ത്തകരും തമ്മില്‍ പരസ്പര പൂരകമായ ബന്ധം അനിവാര്യമാണെന്ന് തന്നെ പഠിപ്പിച്ച വ്യക്തിയാണ് രാജഗോപാലെന്നും അദ്ദേഹം അനുസ്മരിച്ചു. പരിപാടിയില്‍ കാലിക്കറ്റ് പ്രസ്‌ക്ലബ് പ്രസിഡന്റ് കമാല്‍ വരദൂര്‍ അധ്യക്ഷനായി. മാധ്യമപ്രവര്‍ത്തകന്‍ എന്‍.പി രാജേന്ദ്രന്‍, കെ.പി.സി.സി ജനറല്‍ സെക്രട്ടറി പി.എം സുരേഷ് ബാബു സംസാരിച്ചു.