ബഗ്ദാദ്: ഇറാഖ് സേനയ്ക്ക് പരിശീലനം നല്‍കാനെന്ന പേരില്‍ യു.എസ് സഖ്യസേന താവളമടിച്ച താജി വ്യോമതാവളത്തില്‍ നിന്ന് സൈനികര്‍ പിന്മാറി. താവളം ഇറാഖ് സേനയ്ക്ക് കൈമാറിയതായി സഖ്യസേന അറിയിച്ചു. തലസ്ഥാനമായ ബഗ്ദാദില്‍ നിന്ന് 85 കി.മീ ദൂരെയാണിത്.
ഈവര്‍ഷം സഖ്യസേന ഇറാഖിന് കൈമാറുന്ന ആറാമത്തെ വ്യോമതാവളമാണിത്. ഇവിടുത്തെ സഖ്യസേനാ സൈനികര്‍ക്കു നേരെ നിരന്തരമായി ഇറാന്‍ പിന്തുണയുള്ള സായുധസംഘങ്ങള്‍ ആക്രമണം നടത്തുന്ന സാഹചര്യത്തിലാണിത്. നിലവില്‍ 5,000 യു.എസ് സൈനികരുള്‍പ്പെടെ 7,500 സഖ്യസേനാ സൈനികരാണ് ഇറാഖിലുള്ളത്. മൂന്നു വര്‍ഷത്തിനകം ഇറാഖിലെ യു.എസ് സൈനികരെ പിന്‍വലിക്കുമെന്ന് പ്രസിഡന്റ് ട്രംപ് ഉറപ്പുനല്‍കിയിരുന്നു.