ലാസ(ടിബറ്റ്): ഇന്ത്യക്കെതിരേ അതിര്‍ത്തിയില്‍ സൈനികനീക്കം നടത്തിയ ചൈനീസ് പട്ടാളം ഹിന്ദു തീര്‍ത്ഥാടനകേന്ദ്രമായ കൈലാസ മാനസ സരോവര്‍ വൃത്തിഹീനമാക്കിയതായി റിപ്പോര്‍ട്ട്. കൈലാസ പര്‍വതവും സമീപത്തെ മാനസരോവര്‍ തടാകവും സൈനിക ഉപകരണങ്ങളും സൈനികരും നിറഞ്ഞ് ഇപ്പോള്‍ യുദ്ധക്കളം പോലെ ആയിരിക്കുന്നുവെന്നാണ് ഉപഗ്രഹ ചിത്രങ്ങള്‍ കാണിക്കുന്നത്.
ലഡാക്ക് സംഘര്‍ഷത്തിനു ശേഷം ഇരു സേനകളും പ്രകോപനമുണ്ടാക്കിയിട്ടില്ലെങ്കിലും രഹസ്യമായി അതിര്‍ത്തിയിലെ സൈനികശക്തി വര്‍ധിപ്പിക്കുകയാണ് ഇരു രാജ്യങ്ങളും. 1950കളിലാണ് ചൈന കൈലാസ പര്‍വതവും മാനസരോവറും ബലമായി പിടിച്ചെടുത്തത്. അതുവരെ ഇവ ഇന്ത്യയുടെ ഭാഗമായിരുന്നു.