കാസര്‍കോട്: സംഘടനാ ശാക്തീകരണത്തിന്റെ ഭാഗമായി എസ്.വൈ.എസ് ജില്ലാ കമ്മിറ്റി പഞ്ചായത്ത് മുനിസിപ്പല്‍ തലങ്ങളില്‍ നടത്തുന്ന തന്‍ഖിയ പ്രവര്‍ത്തക സംഗമങ്ങള്‍ക്ക് കാസര്‍കോട് മണ്ഡലത്തില്‍ 27നു തുടക്കമാവും. മധൂര്‍ പഞ്ചായത്ത് സംഗമം 27ന് വൈകുന്നേരം നാലിന് ഉളിയത്തടുക്ക മുനവ്വിറുല്‍ ഇസ്‌ലാം മദ്‌റസയില്‍ നടക്കും. കാസര്‍കോട് മുനിസിപ്പല്‍ തല സംഗമം സെപ്റ്റംബര്‍ ഏഴിന് വൈകുന്നേരം നാലിന് അണങ്കൂര്‍ മദ്‌റസയിലും നടക്കും. 14ന് വൈകുന്നേരം നാലിന് ചെര്‍ക്കള ഖുവ്വത്തുല്‍ ഇസ്‌ലാം മദ്‌റസയിലും 16ന് വൈകുന്നേരം നാലിന് ബെള്ളൂര്‍ പള്ളപ്പാടി ശംസുല്‍ ഉലമ സ്മാരക സൗധത്തിലും 21ന് വൈകുന്നേരം നാലിനു കാറഡുക്ക മുള്ളേരിയ ടൗണ്‍ മദ്‌റസയിലും 23നു വൈകുന്നേരം നാലിന് മൊഗ്രാല്‍ പുത്തൂര്‍ പറപ്പാടി ജാമിയ ജൂനിയര്‍ അറബിക്ക് കോളജിലും സംഗമം നടക്കും.
ഇതുസംബന്ധമായ യോഗത്തില്‍ പ്രസിഡന്റ് ബദ്‌റുദ്ദീന്‍ ചെങ്കള അധ്യക്ഷനായി. ജില്ലാ ജനറല്‍ സെക്രട്ടറി അബൂബക്കര്‍ സാലൂദ് നിസാമി, എം.എ ഖലീല്‍, എസ്.പി സ്വലാഹുദ്ദീന്‍, ഹമീദ് പറപ്പാടി, സി.എ അബ്ദുല്ലക്കുഞ്ഞി ചാല, മൊയ്തു ബദിയടുക്ക, ലത്തീഫ് മൗലവി ചെര്‍ക്കള, കെ.എം അബ്ദുറഹ്മാന്‍ തുടങ്ങിയവര്‍ സംസാരിച്ചു.