കോഴിക്കോട്: സമസ്ത പൊതുപരീക്ഷയില്‍ ടോപ് പ്ലസ് നേടിയ വിദ്യാര്‍ഥികളെ അനുമോദിക്കാന്‍ സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ ജില്ലാ കമ്മിറ്റി തീരുമാനിച്ചു. 28ന് അവാര്‍ഡ് സുപ്രഭാതം ഓഡിറ്റോറിയത്തില്‍ നടക്കുന്ന പരിപാടി വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും.
5, 7, 10, 12 ക്ലാസുകളിലെ ടോപ് പ്ലസ് നേടിയ വിദ്യാര്‍ഥികള്‍ക്കും അതിനു പ്രാപ്തരാക്കിയ അധ്യാപകര്‍ക്കും വിദ്യാഭ്യാസ ബോര്‍ഡ് നല്‍കുന്ന കാഷ് അവാര്‍ഡും മെറിറ്റ് സര്‍ട്ടിഫിക്കറ്റും മാനേജ്‌മെന്റ് അസോസിയേഷന്‍ സംസ്ഥാന കമ്മിറ്റിയുടെ അനുമോദനപത്രവും ചടങ്ങില്‍ വിതരണം ചെയ്യും. എന്‍.കെ അബൂബക്കര്‍ മാസ്റ്റര്‍ സ്മാരക അവാര്‍ഡാണ് ഈ വര്‍ഷം ജില്ലാ കമ്മിറ്റി നല്‍കുന്നത്.
മ്ദറസ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റ് കെ.ടി ഹംസ മുസ്‌ലിയാര്‍, ജനറല്‍ സെക്രട്ടറി കൊട്ടപ്പുറം അബ്ദുല്ല മാസ്റ്റര്‍, വിദ്യാഭ്യാസ ബോര്‍ഡ് മെംബര്‍മാരായ ടി.കെ പരീക്കുട്ടി ഹാജി, എം.സി മായിന്‍ഹാജി, കെ. ഉമര്‍ ഫൈസി, വി. മോയിമോന്‍ ഹാജി, എ.വി അബ്ദുറഹിമാന്‍ മുസ്‌ലിയാര്‍, സമസ്ത മാനേജര്‍ കെ. മോയിന്‍കുട്ടി മാസ്റ്റര്‍, മുസ്തഫ മാസ്റ്റര്‍ മുണ്ടുപാറ, നാസര്‍ ഫൈസി കൂടത്തായി സംബന്ധിക്കും.
ഇതുസംബന്ധിച്ചു ചേര്‍ന്ന യോഗത്തില്‍ പ്രസിഡന്റ് എ.പി.പി തങ്ങള്‍ അധ്യക്ഷനായി. പി. മാമുക്കോയ ഹാജി, വി.കെ.സി മൊയ്തു ഹാജി, കെ.കെ നാസര്‍ ഹാജി, കെ. മൊയ്തീന്‍കുട്ടി, ടി. മൊയ്തു ഹാജി നന്തി, എ.കെ.സി മുഹമ്മദ്, അന്‍സാര്‍ കൊല്ലം, ഇ.കെ അബ്ദുല്ല ഹാജി, എം.പി അബ്ദുല്ലക്കുട്ടി ഹാജി, കെ. മാമുക്കോയ ഹാജി സംബന്ധിച്ചു. ജനറല്‍ സെക്രട്ടറി കെ.പി കോയ സ്വാഗതവും സി.എ ശുക്കൂര്‍ മാസ്റ്റര്‍ നന്ദിയും പറഞ്ഞു.