തൃശൂര്‍: ജീന്‍പോള്‍ കുരിയച്ചിറയുടെ ഏകാംഗ ചിത്രപ്രദര്‍ശനം ഇന്ന് മുതല്‍ 24 വരെ കേരള ലളിതകലാ അക്കാദമി ഹാളില്‍ നടക്കും. പ്രദര്‍ശനം ഇന്ന് വൈകിട്ട് അഞ്ച് മണിക്ക് തൃശൂര്‍ അതിരൂപത മെത്രാപ്പൊലീത്ത മാര്‍ ആന്‍ഡ്രൂസ് താഴത്ത് ഉദ്ഘാടനം ചെയ്യും.
അഡ്വ. രാജന്‍ എം.എല്‍.എ മുഖ്യാതിഥിയാകും. രാവിലെ പത്ത് മുതല്‍ വൈകിട്ട് ഏഴ് വരെയാണ് പ്രദര്‍ശനം. വ്യത്യസ്ത മാധ്യമങ്ങളിലുള്ള 25 ഓളം ചിത്രങ്ങളാണ് പ്രദര്‍ശനത്തിലുണ്ടാകുക. വാഹനങ്ങളുടെ അമിത വേഗതക്കെതിരായ ബോധവത്കരണത്തിന് 'റാഷ്' എന്ന പേരില്‍ ആര്‍ട്ട് ഇന്‍സ്റ്റലേഷനും ഒരുക്കിയിട്ടുണ്ട്. കഴിഞ്ഞ രണ്ട് വര്‍ഷമായി ആര്‍ട്ടിസ്റ്റ് ഗായത്രിക്ക് കീഴില്‍ പരിശീലനം നേടിവരികയാണ് ജീന്‍പോള്‍. സനോജ് ഡേവിസ് വാര്‍ത്താ സമ്മേളനത്തില്‍ സംബന്ധിച്ചു.