തൃപ്രയാര്‍: 90 വയസ് തികയുന്ന സ്വാതന്ത്ര്യ സമരസേനാനിയും മുതിര്‍ന്ന കോണ്‍ഗ്രസ് നേതാവുമായ സി.കെ.ജി വൈദ്യരുടെ നവതി ആഘോഷിക്കുന്നു. തൃപ്രയാര്‍ വെല്‍ഫെയര്‍ സൊസൈറ്റിയുടെ നേതൃത്വത്തിലാണ് പൗരസ്വീകരണം ഒരുക്കുന്നത്. പരിപാടിയുടെ വിജയത്തിനായി സംഘാടക സമിതി രൂപീകരിച്ചു.
തൃപ്രയാര്‍ എസ്.എന്‍.ഡി.പി എല്‍.പി സ്‌കൂളില്‍ ചേര്‍ന്ന യോഗത്തില്‍ ശിവന്‍ കണ്ണോളി അധ്യക്ഷനായി. പി.കെ സുഭാഷ്ചന്ദ്രന്‍ മാസ്റ്റര്‍, അഡ്വ. ടി.എന്‍ സുനില്‍കുമാര്‍, കെ.ദിലീപ്കുമാര്‍, പി.എന്‍ സുചിന്ദ്, വത്സന്‍ പൊക്കാഞ്ചേരി, അനില്‍ പുളിക്കല്‍, ഉണ്ണിക്കൃഷ്ണന്‍ തൈപ്പറമ്പത്ത് സംസാരിച്ചു. ഭാരവാഹികളായി ശിവന്‍ കണ്ണോളി (ചെയര്‍മാന്‍), പി.കെ സുഭാഷ്ചന്ദ്രന്‍ മാസ്റ്റര്‍ (കണ്‍വീനര്‍), പി.വി അബൂബക്കര്‍ (ട്രഷറര്‍) എന്നിവരെ തെരഞ്ഞെടുത്തു.