റിയാദ്: റഷ്യന്‍ പ്രസിഡന്റ് വ്‌ളാദ്മിര്‍ പുടിന്‍ സഊദി സന്ദര്‍ശനത്തിനൊരുങ്ങുന്നു.
ഇതിനായി പുടിന്‍ സല്‍മാന്‍ രാജാവിന്റെ ക്ഷണം സ്വീകരിച്ചതായി റഷ്യന്‍ ഡെപ്യൂട്ടി വിദേശകാര്യ മന്ത്രി മിഖായില്‍ ബോഗ്ദനോവ് വ്യക്തമാക്കി. എന്നാല്‍, സന്ദര്‍ശന തിയതിയോ മറ്റു വിശദാംശങ്ങളോ പ്രഖ്യാപിച്ചിട്ടില്ല.
കഴിഞ്ഞ ഒക്‌ടോബറില്‍ സല്‍മാന്‍ രാജാവ് റഷ്യ സന്ദര്‍ശിക്കുകയും ക്രെംലിനില്‍വച്ചു പുടിനുമായി കൂടിക്കാഴ്ച നടത്തുകയും ചെയ്തിരുന്നു.