ആലക്കോട്: മഴ മാറിയതോടെ മലയോരത്തെ പുഴകളില്‍ കാണാനായത് ടണ്‍ കണക്കിന് മാലിന്യശേഖരം. മഴവെള്ളത്തോടൊപ്പം ഒലിച്ചുവന്ന മാലിന്യങ്ങളാണ് ഇവയില്‍ ഭൂരിഭാഗവും. കൂടാതെ പുഴയില്‍ തള്ളുന്ന മാലിന്യങ്ങളും ഇതിലുണ്ട്.
മഴവെള്ളപ്പാച്ചിലില്‍ ഒഴുകിവന്ന മാലിന്യം രയരോം പാലത്തിന് താഴെ വെള്ളക്കടവിന് സമീപം തങ്ങി നില്‍ക്കുന്ന അവസ്ഥയാണ്. ആലക്കോട്, കരുവന്‍ചാല്‍, കാര്‍ത്തികപുരം പുഴകളും വ്യത്യസ്തമല്ല.
കാര്‍ത്തികപുരം ടൗണിനു സമീപമാണ് കാര്‍ത്തികപുരം പുഴയിലെ മാലിന്യങ്ങള്‍ അടിഞ്ഞുകൂടിയത്.